Хроніка івентув
Мало споминув за всякі веселі штукы, котрі сьме чинили на Коцках урокаши.
Конець ото лиш зачаток
2. авґуста 2022
Троє смілых (и шустрых) авантуріштув (TheoWillows, Mishko, steweintorch) забили Шарканя.
Буй из Відером
9. авґуста 2022
Markovi_4, TheoWillows и steweintorch приладили ся и побідили страшну нечисть — Відера.
Клуб „Яма“
26. Фебруара 2023
На Коцках ся колективно клав клуб „Яма“ з ініціативы Мигаля Кушницького, котрый тото діло и стрімив.
11. марця 2023
Пак „Яма“ ся торжествено удкрыла голоснов и веселов діскотеков — из музиков, їдіньом, питьом, VIP-кальяннов и танцями!
Такой по діскотеці ся Berezhnyk и MonoMike123 пушли ся бити на ґладіторськуй арені, а другі за тым дійством никали.
Великдень 2023
17. апріля 2023
Удпразновали сьме Великдень на сервері. Ко мав дяку — посповідав ся, и зачало ся сячіня пасок у віртуалнуй репліці реалної деревляної церьквы сят. Михаила, котру поклав tomekico. Май потум єсьме мало походили ґаздувствами тай учинили курту гостину.
Баюсаті лиця
6. авґуста 2023
Квест, котрый орґанізовав ArtemiyStark: по Коцках спрятані замонтовані у стіны баюсаті лиця — коцкарі ходили-глядали їх за пудказками.
Літературный вечур у Кедеськуй бібліотеці
12. новембра 2023
Декламація стихув (у тому числі ориґіналных) у цімборськуй атмосфері — што годно быти ліпше? Правилно: щи й пошийталовати Кедешом!
Выставка в ґалереї
„KOC-K-ART“
25. фебруара 2024
Ищи єдным масштабным проєктом Мигаля Кушницького стала модна ґалерея посеред сніжных полюв, де вун справив выставку з образами Селянина Кріпенишинця тай Андрія Коцкы.*
*посправді Крістофера Цетерштранда, Сары Бивінґ и Єнса „Джеба“ Берєнстийна)
„1. Звіздаста археолоґічна експедиція“
13. апріля 2024
Учасникы експедиції, орґанізованої ArtemiyStark, розгадувовали припавшу порохом и закутану в поплон зловісности загадку давньої цивілізації.
Айбо вни ани не пудозрівали, якоє страшноє давньоє зло їх чекало у руїнах…
Пандемія Черленяка-89
11. марця 2025
Коцками ся пошырила чудна болячка: межи симптомув Мигаль Кушницькый уділив „чудні черлені грибы“, котрі „нароставут на обшарю“.
Подакотрі бавлячі яли ся убирати у хемозащитні костюмы и противоґазы, а подакотрі не устигли ся всокотити тай поросли „черленяком“…
Проводы селянина в Ланґошах
16. марця 2025
У Верьхньых Ланґошах удспівали картоґрафа и єдного из двох ориґіналных ланґошувцюв Павла Середяника.
Ґрофськый дом Ланґошув учинив екскурзію и указав хыжу, де жыв и творив картоґраф, а пак споминав за нього на церемонії прощаня. Спровадити знамого селянина у вічный путь прийшов ай сященник из Куртацької Подины FunGamer2000.
Великдень 2025
27. апріля 2025
Изась Пасха на Коцках! Сесь раз служба пруйшла у „паскафаріанськуй“ церькви (бо вна у формі паскы!) в Нижньых Ланґошах, почти з удержаньом соціалных дистанцій и другых нюансув пандемії грибної заразы Черленяк-89.
По тому віряне сіли напротив ланґошувського ботанічного сада, обы заїсти свіжопосячені добринькы.
„2. Звіздаста археолоґічна експедиція“
6. юлія 2025
По куртому споминови за 1. експедицію учасникы ся спустили у Недер, обы зглядовати у недерському селови давні фрескы. У секретному кафе-коворкінґови вни озгадовали загадкы тых фресок и чинили си конкурс — чія інтерпретація фресок уйде майліпша.
Дале буде: увидиме, які щи івенты ся станут на Коцках!
Найшли сьте хыбу вадь хочете предложити даякоє зліпшеня? Напишіт ми у форму про фідбек: